DAGUPAN CITY-Sugatan so sakey ya kabiangan na Civilian Volunteer Organization o CVO kasumpalan ya paltogen diad baley na Binalonan, Pangasinan.
Kinabat so biktima ya si Jonathan Flores, 38- anyos, Barangay CVO tan residente na Barangay Vacante diad baley na Binalonan legan ya say suspek so kinabat ya si Loreto Aradanas, ya residente met diad abitlan lugar.
Pinaltog na suspek so biktima tan nakna so nitagey ya parte bibil tonya .
Tampol ya inawit diad patambalan so biktima kaleganan ya say suspek so maples ya tinmakas tan patuloy ya aanapen natan na saray otoridad.
Kaleganan tonya, nala met na saray pulis so motorsiklo ya inusar na say suspek nen ginaway inpanpaltog ed say biktima.
Say inap na saray otoridad, abayag la tan personal ya kolkolan tan panhiganti so motibo na insidente.
