Presyo na karne na manok tan baboy, agga untagey ed sayay manasingger ya pasko

DAGUPAN CITY– Impasiguro na Samahang Industriya ng Agrikultura odino”SINAG” ya anggapoy nagawan pangiyatagey na presyoy karne na manok tan baboy ed sayay isabi na kapaskuan.

Diad agawan impituyaw na Bombo Radyo Dagupan ed si Eng’r Rosendo So, Presidente na SINAG,ingkuan to ya anggad diad kaplesan et normal so presyo na karne manok tan karne baboy ed merkado diad luyag.

Impalapag ni nen So, ya no wala man bilang so ag ununor ed suggested retail price ed abitlan karne et tampol ya ipatawag pian panpaliwawaen.