DAGUPAN CITY– Kumpiyansan impalapag na Pangasinan Provincial Police Office o Pangasinan PPO ya wala lad 99 percent ya malinis diad droga so probinsiya na Pangasinan manlapud ilegal ya droga.
Onong ed kinen PCI Dominick Poblete na Pangasinan PPO, nasa 99% lan drug cleared iray barangay diad luyag tan siyamiran barangay labat la so unpapasilong diad anti-illegal drugs operations.
Saya so bunga na pikiki-koordinasyon dad saray concerned agencies singa say lokal ya gobyerno tan saray barangay ya numero unon makakaimaton ed saray reformist diad nasasakupan da.
Diad kaplesan, walad 34 ya lugar diad probinsiya so manaalagar na validation manlapud Philippine Drug Enforcement Agency o PDEA ya sikatoy mangagawa natan na operasyon kontrad iligal ya droga kaleganan ya siyamiran baley so naideklara la na PDEA bilang drug cleared.
