DAGUPAN CITY– Impalapag nen Alliance of United Transport Organizations Province-Wide AUTOPRO president Benny Aquino ya agga imposibleng nawalaan lamet na malaknaban ya rally no ipilit nin sansia na gobiyerno so labay dan pan phase out ed saray daan ya pampasaheron jeep.
Onong ed si Aquino, nepeg ya ikonsidera na gobyerno ya dakel ya draybers tan operators so graben maapektuan tan nayarin naandian na pakalmuan da na kuwarta tan panbilay no ituloy so abitlan phase out.
Anggaman untan, subukan nin sansia na abitlan grupo ya mituyaw ed saray makankanepegan nilirad kerew da balet no mipa-awetan irad labay dan salatan na balo tan moderno iray pampasadan jeep diad bansa so napilitan iran manggawa lamet na baleg ya rally bilang pangipanengneng na pankontra da.
Akabatan ya planon salatan na gobyerno iray daan ya jeep na electric, solar tan euro4 jeepneys ya manlapud arum ya bansa.
