Biin financier na grupong gun for hire, arestado

DAGUPAN CITY– Arestado so sakey ya biin ituturong lider tan financier na duwaran grupon gun-for-hire diad baley na Lupao Nueva Ecija ya papanisiaan ya man-ooperate met diad luyag na Pangasinan.

Onong ed kinen PCI Jose Abaya II hepe na Umingan PNP, naaresto so suspek ya si Loida Mendoza diad ginawan operasyon na taklay na uley diad Rizal St. Brgy. Poblacion diad panamegley na warrant of arrest lapud kaso tonyan double murder.

Umpapaway ed imbestigasyon, ya say grupo na suspek ya Gonzales tan Pogito gun-for-hire group so man ooperate diad probinsiya na Pangasinan tan kakaabaya ya probinsya.

Sayan grupo so balon atukoy ya criminal group diad Nueva Ecija kasumpalan ya akapibiang la ed pigaran insidente diman.