Inleksab na satisfaction tan trust rating nen president Rodrigo Duterte, anggapoy epekto inkumparad kinen US pres Donald Trump

DAGUPAN CITY– Anggapoy nanenengneng ya problema o magmaliw ya epekto nen National Security Adviser General Hermogenes Esperon ed say inleksab na satisfaction tan trust rating nen president Rodrigo Duterte diad say resulta na Social Weather Station o SWS survey.

Diad eksklusibon impituyaw na Bombo Radyo Dagupan ed kinen General Esperon, anggapo so kuwanton magmaliw ya epekto na resultay survey no iner bagsak so presidente.

No ikumpara kuwanto so rating nen president Duterte ed say rating nen US president Donald Trump mas abeba ni iya kumpara ed say presidente tayo.

Manlapud datin 66 percent nen second quarter, inmabeba ed 48 percent so net satisfaction nen president Duterte diad third quarter ed say ginawan survey nen September 23 anggad 27.