9 yrs old ya ogaw ya laki, inatey kasumpalan ya nalner diad pokok

DAGUPAN CITY– Inatey so sakey ya 9 anyos ya ogaw ya grade 4 student kasumpalan ton nalner diad sakey ya pokok diad baley na Bani, Pangasinan.

Kinabat so biktima ya si Lawrence Pizarro, ya residente na Sitio Apalang Brgy. Luac diad abitlan baley.

Onong diad imbestigasyon, kaiba na biktima so agagi to tan linma rad pokok ya walay kaarawin 100 metro ed kaumaan ya pantataneman na bae to.

Kayari na 30 minuto so nangel labat iran maneyag tan unkekerew na tulong tan nen laen iraya so anengneng da so ogaw ya manlulutang diad pokok.

Inawit so biktima diad patambalan bangbalet saya so indeklaran dead on arrival na saray doktor.