DAGUPAN CITY– Malet ya imomonitor tan babantayan na Pangasinan Muslim community iray kanayon na saray Muslim ya manlalapud Mindanao ya uunlad probinsya na Pangasinan.
Impasiguro nen Manguntawar Milan Sultan secretary general na Pangasinan Integrated Muslim Assembly, ya aga nagawa diad probinsya so nagagawa natan diad Mindanao.
Onong ed kinen Milan Sultan, agda aboloyan ya makaloob diad probinsya iray grupon mangugulo diad Mindanao partikular diad Marawi city.
Imbaga tonyan saray Muslim ya wadiad probinsya so anggapoy kanayon dan terorista o sympathizers na Maute group.
Mangagawa ira na research tan background check ed saray Muslim ya uunla diad probinsya.
No bilang walay unsabin bisita manlapud Mindanao so tampol dan irereport diad barangay.
Inyarum to nin nangawa ra na pantutuyaw diad Pangasinan provincial Office bilang parte na pinakasil ya monitoring ed amin ya Muslim o dayon unloloob diad probinsya.
