DAGUPAN CITY- Sakeylan ambetel ya Bangkay nen anengneng so sakey ya construction worker kasumpalan ya manbikkel ed mismon abong ya gagawen da ran ya diad suidad na Urdaneta Pangasinan.
Sayan bangkay et mang-ngaran na Mark Ayson, 29 anyos, residente ed Rosario Pozurobio pangasinan ya nambekkel usar to so nylon ed loob na abong ya gagawena ed brgy Anonas. anengneng so bangkay diad panagmegley nen Rolando Narito, 46 anyos sakey ya maestro tan caretaker ed gagawendan abong.
Antis so agawan insidente et awalaan ni ra na boodle fight kaiba so saray manggagaway abong tan nan-iinuman ira, unong ed saray akarengel et katongtong kono na biktima so live in partner tonya ya wala ed biek-taew ya mantratrabaho tan awalaan ira na aga pakapantatalusan.
Anengneng ed lugar so duaran abuyak ya cellphone na biktima tan akasulat ed pader so salitan SALAMAT ED PANANGAROM ED SIAK. Laranang Family. sikayo so makasengeg. Papa Mark Zyne. lapod saya et patuloy met so imbistigasyon na popolis ed agawan insidente.
