DAGUPAN CITY- Inerel so sakey ya laki ed ginawan checkpoint na pupulis ed baley na Mangatarem Pangasinan.
Sayan abitlan laki so kabiangan ed Number 5 personality ya abayaglan mamanmanan na otoridad.
Kinabat so suspek ya si Laurence Cruz kwarentay uno anyos(41), mana-ayam ed Barangay Oligario Caoile, Mangatarem Pangasinan.
Kaleganan nya manpapatrolya so pupulis ed lugar, Alikas da so sakey ya makapa-dudan luluganan ya akaparada ed Brgy Pogon Lomboy pasado alas onse kalabian ya lalon angiter ed pupulis na panduwa-ruwa tan bigla to labatlan pinabatik so luluganan to kabansag na impampaputok to na paltog , lapod saya et apilitan so saray pupulis ya umbales tan nampaputok met na paltog tan naknada so bukel na luluganan na abitlan suspek kanyan timmunda ya ed pegley na karsada.
Nen nilukasan na pupulis so loob na luluganan na suspek et untan lay pangkelaw da nen anengnengda so amayamay ya shabu tan drug pharapernalias, sakey ya cal 40 tan pigaran magazine tan naduruman klase na cellphone.
