Filipino Taiwanese tan sakey ya pinay arestado ed kason illegal recruitment tan estafa

DAGUPAN CITY- Narel so sakey ya taiwaness tan kaiba to yan pinay lapod illegal recruitment tan kason estafa ed baley na Mangaldan Pangasinan.

Diad bisa na impaway ya warrant of arrest na RTC Branch 41 et inerel na pupulis si Richard Dy alyas Richard Uy, 43 anyos, sakey ya freelance interpreter, Pilipino taiwaness ya kaplesan ya manayam ed metro manila tan walaan na kason illegal recruitment.

Kaiba met ya inerel so kaiba to yan si Rosalinda Soquila, 47 anyos na residente ed Banaoang east ed abitlan baley lapod kaso ya estafa.

Diad kaplesan, itutuloy so imbistigasyon na saray taklay na uley nipapaakar ed abitlan insidente tan pian nakabatan no panon la ka awang so operasyon na saray suspek.