DAGUPAN CITY– Impasiguro na Department of Energy (DOE) Luzon Field Office ya anggapoy nagawan rotational brownout natan ya summer.
Onong ed kinen Danny Callangan, officer in charge na DOE Luzon Field Office, based monitoring dad supply na kuryente diad interon Luzon, walaan ira natan na 1,500 megawatts reserve diad Luzon area.
Impalapag to met ya anggapoy nanenengneng ton antokaman ya alerto ya nayarin nawalaan na problema ed kakulangan na supply ng kuryente diad Luzon diad arapen ya ampetang ya panaon.
Diad kaplesan, patuloy so monitoring da tan pitotongtong dad arum ya planta na kuryente tapian naantaan da no walay mangawa na preventive maintenance tan nabagaan da ray totoon mantarya.
Inyarum to nin aka-schedule so preventive maintenance balet agga umbabayag kanyan aga naapektuan so supply na kuryente diad Luzon.
