35 ya baboy ya nanlapud Bulacan asabat na aray awtoridad diad baley na Mangaldan, Pangasinan

Unaabot ed  35 ya  baboy ya nanlapud luyag na Bulacan so asabat na aray awtoridad diad baley na Mangaldan, Pangasinan.

Agla  inabuluyan ya pateyen diad slaughter house  ed abitlan baley so abitla iran baboy  lapud  inkiwala na African Swine Flu o ASF ban diad luyag  ya sengeg na inateyan na aray  kokomponien ya baboy diad  Bulacan tan Rizal.

Base ed imbestigasyon na aray awtoridad, iniwasan tan agga dinmalan diad  checkpoint ed baley na Rosales iray asalitan bababoy.

Kabat la no siopay nansaliw ed sarayan baboy tan aray driver  ya angawit diad  probinsya  ya  residente na Mangaldan.

Diad kaplesan, nipawil laray baboy diad Bulacan.