Dagupan City – Arestado ang 24-anyos na babae sa bayan ng Mangaldan matapos mahulian ng ilegal na droga.
Ayon kay PltCol Roldan Cabatan, COP ng Mangaldan PNP, batay umano sa salaysay ng testigo may iniabot ang babae sa kanyang ka live in partner.
Hanggang sa isinumbong umano ito sa kinauukulan, dito na nakumpirma na isa itong hinihinalang shabu.
Agad na nakatakbo ang lalaki habang ang kasamahan niyang babae ay nadakip ng kapulisan.
Dito na rin tumambad ang isang berdeng plastic na lalagyan na naglalaman ng dalawang piraso ng maliliit na sachet ng shabu.
Patuloy naman na pinaghahanap ang ka live in partner ng suspek habang ang mga awtoridad ay patuloy naman sa kanilang operasyon kontra iligal na droga upang mapanatili ang kaligtasan ng komunidad. (Justine Ramos)
