DAGUPAN CITY– Agga agustuan na grupon Alliance of Concerned Transport Operators (ACTO) so desisyon na Land Transportation Franchising and Regulatory Board (LTFRB) ya 20 percent discount diad pamasahe na saray estudyante anggano weekend tan holiday.
Onong ed kinen Efren De Luna presidente ng ACTO, agga makanepegan so abitlan kaaruman ya singil na pasahe nakalanor anggapoy agawan konsultasyon diad dapag na saray draybers tan operators ya direktang natamaan na ipatonton ya diskwento.
Kabansag tonya, kinwestyon met na ACTO President so holiday tan weekend discount na aray estudyante.
Para ener kuwanto so abitlan diskwento diad agew na Sabado tan Simba ta aga met ira unlad eskuwelaan tan personal ya lakad so lalaen daranya.
No nanonotan, impaway kapigan labat na LTFRB so sakey ya memorandum no ener ibabaga todia so 20 percent ya diskwento na saray estudyante ed buon sakey simba kaiba la so summer break, pati say legal tan special holiday.
Agga met akaiba diad abitlan discount iray manaaral na medisina, law, masteral tan doctoral degrees.
