DAGUPAN CITY- Inatey so 2 lalaki, legan ya sugatan so duwaran arum nira diad agawan banggaan na saray motorsiklo ed baley na Sta. Barbara, Pangasinan.
Say insidente so agawa diad karukuyan na kalsada na Barangay Banaoang diad abitlan baley no iner diad nangetman man-overtake so motorsiklo ya mamanihuen nen Jhovan Peralta, walad suston edad, tan residente na Barangay Poblacion Norte, Sta. Barbara.
Agtonya naimanon nala to so linya na kaabetan ton motorsiklo ya mamanihuen nen Mark Anthony Zufra, walad suston edad tan residente na Barangay Nilombot diad abitlan baley.
Lapud saya, nanbangaan so duwaran motorsiklo ya sengegan na inkasugatan di Peralta tan Zufra.
Inawit iran tampol diad patambalan balet idineklara iran dead on arrival na saray doktor.
Kaleganan tonya, sugatan met diad aksidente so backrider nen Zufra ya bayaw tomet ya si Anthony Solivin, walad sustonedd,tan residente met diad barangay Nilombot, Sta. Barbara.
Untan met ya mapapaabig nid ospital so backrider nen Peralta ya kinabat ya si Alvin Callejo, bente sais anyos, residente na Barangay Poblacion Norte diad abitlan baley.
