Dagupan City – Itinanghal na kampyon ang West Central Elementary School sa Children Summit on Children’s Rights Dance Sports Competition kamakailan. Ang nasabing kompetisyon ay bahagi ng pagdiriwang ng National Children’s Month, na ginanap sa Lucao, kung saan dinaluhan ni Mayor Belen T. Fernandez para magbigay ng papremyo.
Sa kabila ng matinding kompetisyon, ang West Central Elementary School ang nagwagi bilang kampeon, samantalang ang General Gregorio del Pilar Elementary School ay nakakuha ng 2nd place at ang Carael Elementary School naman ay nagtapos bilang 3rd place. Ang mga paaralang ito ay nakatanggap ng mga premyo para sa kanilang pagsali at tagumpay sa kompetisyon.
Ang iba pang mga paaralan tulad ng Federico N. Ceralde Integrated School at Pugaro Integrated School ay nakatanggap ng mga consolation prizes. Bukod dito, binigyan din sila ng mga gift packs mula sa mga pangunahing sponsor.
Ang mga ganitong aktibidad ay naglalayong magbigay saya at magsulong ng kamalayan tungkol sa karapatan ng mga bata. Ang mga kalahok ay nagpakita ng kanilang talento at determinasyon sa kompetisyon, at natulungan ito upang ipagdiwang ang National Children’s Month sa isang makulay at masayang paraan. (Justine Ramos)
