DAGUPAN CITY- Sugatan so waloran totoo kasumpalan na banggaan na duwaran luluganan diad baley na Aguilar, Pangasinan.
Onong ed imbistigasyon na aray otoridad, mamanihuen nen Annie Reyes 41 anyos tan residente na Brgy. Bocboc diad ciudad na San Carlos so garong to ya niluganan na anemiran too nen bigla labat lan nabangga na sakey ya motorsiklo ya mamanihuen nen Allan Tomaneng 36 anyos tan residente na Brgy. Kawayan-Kiling diad abitlan ciudad.
Onong ed pulisya, maples so pabatik nen Tomaneng ya sengeg na impakabangga to na luluganan ya imamaneho nen Reyes.
Lapud kakasil na bangaan, akagamor na sugat so parehong drayber tan aray pasahero ya sikara di Leonora Bonilla 85 anyos; Jelina Dela Vega 58 anyos; Gina Palitec 51 anyos; Jillian Palitec 5 taong gulang; Erenia Delos Santos 77 anyos tan Sadrei Ben Delos Santos 8 taong gulang.
Tampol ya imbatik diad ospital iray biktima.
Kaleganan tonya, tuloy so gagaween ya imbistigasyon na aray otoridad diad agawan insidente.
