BOMBO DAGUPAN – Nakapagtala ng 9 na top notchers ang University of Pangasinan sa natapos na 2024 Philippine Nurses Licensure Examination kung saan ay nagtamo din sila ng 100% passing rate.
Sa naging panayam ng Bombo Radyo Dagupan kay Lorelyn Santos Corpuz, 2024 PNLE Top 10 passers ay sobra ang paghahanda at pagsasala na ginawa sa kanila dahilan upang maaabot ang kanilang tinatamasang tagumpay.
Aniya ay hindi naging madali ang kanyang pinagdaanan upang mapabilang sa mga top notchers sa nasabing examination.
Noong kasagsagan ng kanyang review sessions ay dumaan din siya sa maraming pagsubok ngunit nakayanan niya lahat iyon dahil sa tulong ng kaniyang pamilya at talagang pinanghawakan niya ang kaniyang pananampalataya sa diyos.
Dagdag pa niya na hiling niya lang daw sana na makapasa subalit binigyan pa siya ng bonus ng Panginoon.
Sa kasalukuyan ay plano ni Lorelyn na dito muna sa Pilipinas magtrabaho at maghatid ng serbisyo.
