DAGUPAN CITY– Agla inmabot ya mabilay diad patambalan so taloran ogogaw ya bibii kasumpalan ya nalener ed ilog diad General Trias, Cavite.
Kinabat iray biktima ya sikara di Fatima Salas, 11-anyos, agi ton si Christina Salas, 10 anyos tan kapinsan dan si Gergen Salas.
Diad impormasyon na Bombo Radyo Dagupan, say talora so nantagaran ya manames diad ilog balet unaan ya nalner so 11 anyos ya ogaw.
--Ads--
Tulongan met komon na saray duwaran kaiba to, balet anggan sikara so nalner.
Nen anengneng irayan ogogaw, tampol iran inawit diad ospital balet sikara so indeklaran dead on arrival.
