DAGUPAN CITY- Patuloy na nagpapakita ng kahandaan at dedikasyon sa pagtulong at pagresponde sa mga kalamidad at sakuna ang Municipal Disaster Risk Reduction and Management Office (MDRRMO) ng bayan ng Sta. Barbara.
Nagsasagawa ang MDRRMO ng mga regular na pagsasanay at simulation upang matutunan ang mga epektibong pamamaraan sa pagresponde sa oras ng pangangailangan, lalo na pagdating sa kalamidad at insidente.
Sapat din ang mg kagamitan tulad ng mga rescue vehicle, life-saving kits, at iba pang mga kagamitan upang mabilis na matugunan ang mga pangangailangan ng mga apektadong residente.
Sa mga nakaraang linggo, ang opisina ay nagbigay ng agarang tulong sa mga biktima ng aksidente sa kalsada at iba pa.
Patuloy ang MDRRMO Sta. Barbara sa kanilang paghahanda at pagpapabuti ng kanilang serbisyo upang masiguro ang kaligtasan ng bawat residente.
