DAGUPAN CITY– Singa labat la naulit o replay so State of the Nation Address nen president Rodrigo Duterte karuman.
Diad impituyaw na Bomboradyo Dagupan ed kinen ACT Teachers Partylist Representative Antonio Tinio singa anggapo met so balo ed say imbabaga nen president Duterte ta halos sinmentro labat iya diad say kampanya to kontrad ilegal ya droga ya kapara na say immuna ton impangiter na palapag to diad publiko.
No tuusen singa aliwan SONA so ginawa na presidente ta saray indalatdat tonya so mabetbet to met lan ibabaga diad saray lalaen tonyan ordinaryong miting diad say apalabas iran bolan.
--Ads--
Inmarum labat la so situwasyon diad Marawi City ya angitulak diad sikaton mandeklara na Martial law diad parte na Mindanao piyan labanan so terorismo.
