DAGUPAN CITY-Nanpasakbay so grupon Samahan ng Industriya ng Agricultura (SINAG) diad saray otoridad tan diad saray makankanepegan ya doblein tan mas eletan so panbantay ed saray airport diad bansa partikular diad Ninoy Aquino International Airport o NAIA.
Saya et makalanor ed posibilidad na inloob na kontaminadon karne baboy tan pork products ya walay African Swine Fever.
Immuna ed saya, apabalitan kinmalat so kaso na swine fever diad Japan no iner limaran central areas tan western prefectures so
apektado diad abitlan bansa.
Diad ekslusibon impituyaw na Bombo Radyo Dagupan ed kinen Engr. Rosendo So, say manangidaulo na SINAG, imbaga ton nepeg ya
pantaryaan ya na gobyerno ng Pilipinas.
Inkuwanton, nakaokolan ya doblein na saray makankanepegan so inlapag dan seguridad lautla diad saray airport piyan nasiguron agga
makalusot iray kontaminadon karne ya manlalapud Japan.
Nanpasakbay ya diad oras ya makaloob so swine flu diad Pilipinas magmaliw ya delikado met iray karne na baboy ya ilalako diad saray tindaan.
Nayari kasin mangiter iya na baleg ya problema no iner saray alagan baboy so mantotombokan ya umpapatey kanyan nalulugi
so industriya.
