Dead on the spot so sangkakapinsan diad Barangay Mal-Ong, ed baley na Anda, Pangasinan kasumpalan ya adisgrasya so luluganan dan tricycle diad karukuyan na provincial road.
Onong ed kinen PSSg. Rey Charld Cervera, investigator on case na Anda municipal Police Station, bandad 7:56 na labi nen agawa so insidente diad abitlan barangay.
Base ed imbestigasyon, unaandar so motorsiklo diad biek ya linya na dalan tan papaway laya ed baley tan paunlad Bolinao kaleganan ya say tricycle so paarap ed Población diad abitlan baley.
Lapud walay akatambak ed gilig na kalsada so iniwasan na drayber na tricycle tan agto naimano so pasabi tan kaabetan ya motorsiklo ya nanresulta na banggaan dan duwa.
Say drayber na motorsiklo so edad 23 anyos legan ya say lugan to so 17 anyos tan parehon residente na Brgy. Ilio-Ilio, diad baley na Burgos.
Parehon walad legal ya edad so driver tan lugan na tricycle.
Inyarum ni nen Cervera ya paliko so daan ed abitlan kalsada.
Makurinyas tan brownout ed saman ya labi lapud makapoy ya panaon.
