DAGUPAN CITY– Kulong so sakey ya GRO kasumpalan ya takewan so sakey ya restobar diad ciudad na Dagupan.
Diad eksklusibon impituyaw na Bombo Radyo Dagupan ed say makangawa na tindaan ya si Miss Aida, inkuwanton abayag da lan customer so taloran GRO bangbalet walay balo dan kaiba ya manngaran na Shaira ya nanlapud ciudad na Manila.
Papawil pawil so apatira diad comfort room bangbalet bigla labat ya linmoob diad counter so suspek ya si Shaira tan inala toy pitaka na say makangawa na restobar.
Anengneng mismo na saray totoo to so ginawan impangala na suspek ed say pitaka na biktima.
Inkwanton, nen anapen to ranya diad bar ya pantratrabahuan da so nangel to mismon say suspek so angala na wallet to kanyan kinumpronta tonya balet agtoni unamin.
Lapud agda labay ya nakulong so arum nin GRO so inturo day suspek ya sikaton talaga so nantakew.
Agmet la insegepan na kaso na biktima so taloran GRO no ag samay sakey labat lan mangaran ya Shaira so akakulong natan.
