DAGUPAN CITY – Love triangle tan bales so nanenengneng ya motibo ed inpanpatey ed sakey ya retiradon miyembro na Philippine Army diad baley na Bolinao Pangasinan.
Kinabat so inatey ya biktima ya si Marciano Sicaty, 62 anyos tan residente na Brgy Mal-ong diad abitlan baley.
Onong ed impormasyon, akarengel so sakey ya Jonas Tabucol na nantotombokan ya tanol na paltog kanyan saya so pinmaway diad abong to tan diman to anengneng so untatakas ya suspek ya agto abirbir.
--Ads--
Diman to met la alingawan so biktima ya akadukol tan manaames ed dala to.
Kaleganan tonya, tuloy so gagaween ya imbestigasyon na saray otoridad ed sayan insidente, untan met aantaen no siopa may amaltog ed say biktima.
