DAGUPAN CITY – Nasawi ang Prime minister ng Houthi government sa Yemen kasama ang ilang ministro matapos ang airstrike ng Israel sa kabisera na Sanaa.
Kinumpirma ng Israel nitong Biyernes na ang naturang operasyon ay nakatuon laban sa mga mataas na opisyal ng grupong kaalyado ng Iran, kabilang ang chief of staff, defense minister, at iba pang senior officials.
Kinilala ang napatay na si Ahmad Ghaleb al-Rahwi, na nagsilbing Punong Ministro sa loob ng halos isang taon.
--Ads--
Ayon sa grupo, si al-Rahawi, na nagsilbing punong ministro sa mga lugar ng Yemen na kontrolado ng Houthis, ay tinarget kasama ng iba pang miyembro ng kanilang gobyerno habang dumadalo sa isang workshop.
