DAGUPAN CITY– Tinmagey so presyo na lakon bangus diad Magsaysay fish market diad ciudad na Dagupan kayari na agawan fishkill ed baley na Anda tan Bolinao, Pangasinan.
Lapud kakulangan na supply na sira unaabot la ed P130 anggad P140 so presyo na kada kilo na bangus.
Impasiguro met na saray tindera ya agga apektado na fishkill so ilalako diad ciudad.
--Ads--
Kinatongtong met la na gobyerno na Dagupan so amin ya membro na consignacion diad Magsaysay fish market piyan protektaan so industriya na bangus diad ciudad.
Diad kaplesan, malinis met la so kailogan diad ciudad no iner halos sanlibon illegal ya istraktura la so abaklas.
