DAGUPAN CITY– Wala lay person of interest ya tututukan na Lingayen Police ed kason inpanpatey ed sanasawan negosyante diad baley na Lingayen, Pngasinan.
Tampol ya inatey so sanasawan sikara di Danny Alimbuyao tan Priscilla Alimbuyao ya residente na Brgy Poblacion kasumpalan ya pinapaltog na saray agga kabat ya suspek diad abitlan baley.
Kaleganan tonya, agni nanpainterbyu iray kapamilya daray biktima para diad seguridad danya.
Nengnengen da met so nala na CCTV camera diad kaliber liber na akagawaan na krimen.
No nanonotan, pasempet laray biktima lugan na motorsiklo nen sikaray asinggeran na saray suspek ya akalugan met diad motorsiklo.
Sakey ed saray suspek so nan-al;ay bag daray biktima ya mankarga na angkabli ran gamit tan kuwarta tan sikaray pinapaltog diad nanduruman parte na laman da ya sengeg na inateyan da.
