PNP tan LTO , naalarma ed saray nagagawan aksidente diad dala

DAGUPAN CITY – Naalarma la so Philippine National Police tan Land Transportation Office ed undadakel ya bilang na aray naaksidente diad dalan.

Onong ed rekord na Pangasinan Police Provincial Office(PPO), unaabot ed masolok ya sanlibo tan 400 so naikurit ya aksidente manlapud bulan na Enero anggad Marso no iner 49 la so inatey.

Motorsiklo so kaslakan ya nasasangkot ed aksidente tan maslak aray menor de edad so driber.

Nilira ed saya,kekerewen na PNP ed saray atateng ya agga pupulyanan ya manmaneho iray menor de edad ya anak da piyan aga naresgo.