DAGUPAN CITY– Kinompirma na National Bureau of Investigation o NBI Dagupan ya kaplesan dan babantayan tan tututukan iray pigaran opisyal o empleyado na gobyerno ya sangkot ed kason graft.
Saya so kinumpirma nen NBI Dagupan Chief Atty. Dante Bonoan kayari na pronouncement na NBI Director ya tutukan tan i prayoridad iray kason graft and corruption.
Onong ed opisyal, pigaran case build-up la so gagawaen da no ener aminado iyan medyo mairap so proseso lautla la no anggapoy complainant kanyan saray agent da so mangagawa na discreet inqueries parad imbistigasyon.
Inyarum to nin anggaman dakel so impormasyon dan nanaawat ya nanlapud nanduruman indibidwal so malet danin iverify antes dan ituloy so pangikurang na kason korapsyon.
Say kason “graft” so isesegep ed saray opisyal ya mantatakew na kuwarta ed gobyerno. Saya so nayarin ireklamo no unabot la anggad P50 milyon so asamsam.
Siopaman ya napaneknekan ya nankasalanan na graft so nakulong na agga unleksab na sakey taon tan agga unsulok na 10 taon.
Nayari met ya manpiyansa ed kason graft.
