DAGUPAN CITY– Pinmasyar diad luyag na Pangasinan so pigaran beauty queen piyan tawayan so bangus na ciudad na Dagupan .
Mankaiban linmad diad ciudad si 2017 Miss Earth Angola Ermelinda Matos tan Angolan beauty queen Stiviandra Oliveira piyan mangan na inkalot ya bangus na ciudad partikular diad opisina na National Integrated Fisheries Technology Development Center (NIFTDC).
Kabansag na inyakar dad ciudad so akitongtong met ira ed saray makankanepegan ya ahensya diad bansa ed posibilidad ya ikiwala na aquaculture technology diad Angola.
Binisita da met so fish cemetery diad siyudad no iner inkotkot iray sira ya nalmuan ay andi lad bilay diad dayat.
Onong ed saranya, anggapo ni fish processing plant diad Angola tan saya so bengat lan labay dan nagawaan met diman.
