Dinoble na kampo na 702 Brigade Camp Tito Abat so panbantay ed amin ya simbaan tan vital installations diad interon probinsya na Pangasinan.
Impalapag nen Col. Angel Madarang, Deputy Brigade Commander ng 702 Brigade ya aka base diad Manaoag Pangasinan, aliwa labat lan say Minor Basilica of Our Lady of Manaoag Church akatutok so kampo da pati say amin ya simbaan diad probinsya.
Diad katuwaan tonya, walay gagaween dan threat assesment kaibay pupulis no iner malet dan imomonitor so amin ya vulnerable vital installations diad interon probinsya.
Malet so koordinasyon ya gagaween da natan ed saray establishments owners kabansag na pangagawa na random check up ed security posture na lugar da piyan naiwasan so antokaman ya aberya.
Anggaman asumpal lay petsa na walad alert memo no iner nagawa so pansabog ed Minor Basilica of our Lady of Manaoag, aganira untunda ed pangiter na malet ya seguridad diad bisinidad na lugar.
Tinangguyor met na opisyal so publiko ya nepeg ya manbantay wala o anggapoy pasakbay.
