DAGUPAN CITY– Inatey so sakey ya padre de pamilya legan ya maswerten akaligtas so duwara ton anak diad insidente na impamaltog diad baley na Bolinao, Pangasinan nen apalabas ya Biyernes Santo.
Kinabat so biktima ya si Christopher Hondrada, trentay otso anyos, sakey ya dumaralos tan residente na Barangay Catuday diad baley na Bolinao.
Onong ed say imbestigasyon na saray otoridad, manmamaneho so biktima na say garing lugan so 10 tan 9 anyos ya anak to tan babatiken day karukuyan na kalsada diad abitlan lugar nen sakey ya agga kabat ya suspek so bigla labat ya pinmarungtal nanlapud daralusan tan pinaltog so biktima.
Akagamor na saray kenay bala na paltog so biktima tan tampol ya imbatik diad ospital bangbalet saya so indeklaran dead on arrival na saray doktor.
