Nanpasakbay so Office of Civil Defense (OCD) nilira ed mansasansian itatagey na danum o delap tan say nayarin nagawan landslides diad nanduruman rehiyon diad bansa.
Pigarad saray babantayan na OCD et say National Capital Region (NCR) lapud patuloy ya delap ed dakel ya lugar, babantayan met so posiblen nagawan landslides diad Central Luzon tan Northern Luzon makasengeg ed tuloy tuloy ya panuran lapud bagyo tan nepnep.
Onong ed kinen OCD Officer-in-Charge Asec. Rafaelito Alejandro IV, saturated lan masyado so dalin lapud pigaran simba lan panuran ya awit na bagyo kanyan panaalwaren iray totoo.
Onong ed datos na Mines and Geoscience Bureau (MGB) walan masolok 3,000 barangay ed interon bansa so walad peligro lapud baleg ya delap tan posibilidad ya ya pangeray na dalin.
Kaleganan tonya, tuloy so pangagaway preemptive evacuations na saray ahensya ed panangidaulo na OCD ed saray apektadong komunidad.
Saray assets tan kagawaan na saray ahensya tan say Armed Forces of the Philippines (AFP) so akamata natan ed saray lugar diad NCR, Central Luzon, CALABARZON, tan Negros Island ya sikatoy iilaluan ya makaliknay kasil na bagyo.
