Nilasus ya isesebel ya paputok akumpiska ed pigaran managlako na prutas

DAGUPAN CITY– Akumpiska so nilasus ya isesebel ya paputok ya mankantidad na P50,000 manlapud pigaran managlako na prutas diad ciudad na Urdaneta.

Uusaren da labat la so panlalako da na prutas bangbalet diad dalem na estante, dakel so lakon sebel ya paputok ya singa say plapla, piccolo, whistle bomb, sinturon ni Hudas, tan Goodbye Philippines.

Nala met diad pigaran grupo na kalangweran iray boga.

Inlebleb na saray pulis iray paputok diad sakey ya drum ya napno na danum antes yan inkotkot diad dalin piyan agla napinabangan.