DAGUPAN CITY– Inpatunda ni na National Food Authority Western Pangasinan so pangiiter na belas ed saray accredited outlet tan arum nin ahensya na gobierno ya walay feeding programs.
Onong ed kinen Engr. Ramon Cuaresma, say mangidadaulo na NFA Western Pangasinan, nan abiso lara ed saray ahensiya singa saray Local Government Units(LGU’s), Bureau of Jail Management and Penology (BJMP), Department of Social Welfare and Development (DSWD) tan saray accredited rice retailers ya anggapola so naipaway dan belas sa ni nen March 19.
Onong ed kinen Cuaresma, anggapo la so nasaliw dan ilik ed saray dumaralos ya nanani sa nen imbeneg ya bolan ta ngalngalin amin ya inani da so inlako da lad saray commercial rice traders ya mas atagey so presyo nen say opisina da.
Say Western Pangasinan so akaawat na 100,000 sakon belas nen imbeneg ya taon tan saya so agga unsususto onong ed si Cuaresma ta say konsumo na Western Pangasinan so 13,100 sakon belas kada sanagew tan say naawat dan stock so dinmuga labat ed waloran agew tan saya so inapag apag da angga ed bulan na Marso.
