DAGUPAN CITY– Insegepan la na kaso na Samahang Industriya ng Agrikultura (SINAG) so opisina na National Food Authority o NFA.
Saya so kinompirma nen SINAG chairman Rosendo So diad ekslusibon impituyaw ed sikato na Bombo Radyo Dagupan.
Onong ed kinen So, taong 2017 nen man allocate so gobyerno na pondon mankantidad na 5.1 billion pesos.
Inkuwanton inter ya ed opisina pian makatulong ed saray mairap bilay iran dumaralos diad panamegley na pansaliw na ilik da.
Bangbalet agya agawa imbes ya isaliw, say pondo so inusar na NFA ya inpanbayar ed loan o utang dad say imported rice ya inangkat na arum ya bansa.
Likod ed abitlan 5.1 billion pesos so angiter ni natan ya taon so gobyerno na kaaruman ya P7 billion ya pondo ed NFA piyan pansaliw lamet na ilik ed saray dumaralos balet aglamet ginawa na abitlan opisina.
Lapud saya, apanpasyaan na grupon SINAG ya isegepan na kason Violation of Sec 3(E) of Repubic Act RA no. 3019 o mas kabat ya Anti-Graft and corrurt practices act.
Kaleganan tonya, kinompirma met nen So ya angiter ira na sulat ed kinen Senate Committee on Agriculture Cynthia Villar piyan kerewen ya paimbestigaan so inkiwala na saray bukbok ed belas na NFA.
