DAGUPAN CITY– Makakaliket iray Muslim community diad luyag na Pangasinan ed inpamarukoy na sakey taon na martial law diad Mindanao.
Onong ed kinen Manguntawar Milan Sultan, secretary general na Pangasinan Integrated Muslim Association diad luyag na Pangasinan, wala nin sansiay takot na aray Muslim community ed posibiliad na ikiwala ni na gulo tan insidente na kidnapping tan pantakew no anggapo iray sundalon manbabantay.
Onong ed say nanaala ton impormasyon diad saray kapara tonyan Muslim, mas labay dan mansansia iray sundalo diman piyan nawalaan ira na seguridad tan nipawil diad normal so kabibilay na saray residente diaad Marawi city.
Inyarum tonin ya mas labay da ya legan ya akayurong si president Rodrigo Duterte so mansansia so martial law diad abnitlan lugar.
Legan ya wadman iray sundalo, 100 porsyenton naprotektaan so bilay da.
