DAGUPAN CITY-Narel ed entrapment operation ya ginawan na national Bureu of investigation odino NBI Dagupan, so misis kaleganan ya aanapen ni na taklay na uley so asawa to ya public school teacher lapod reklamon rape tan extortion ed sakey ya menor de edad ya kaaro ni na anak da ed ciudad na San Carlos, Pangasinan.
Diad eksklusibon impituyaw na Bombo Radyo Dagupan, positibon kinabat nen NBI Chief Rizaldy Jaymalin, so narel ya suspek ya si Maria Riza Brillantes, common Law Wife na sakey nen suspek ya si Florencio Bagaforo, 50 anyos, sakey met ya managbangat ed Pangasinan State University, bangbalet agni malinew no iner ya campus so pambabangatan to ya.
Akabatan ya say biktima ya si “Ana” agto tuan ngaran, et kaaro ni na say anak na san-asawan suspek tan grade 10 student.
Umpapaway ed imbistigasyon, ya nangkasakeyan na sanasawa so biktima, legan balet ya kakatkatan met na say biin suspek legan met ya aabusuen na asawaton maestro so asalitan biktima lapod uusaren dan panaktakot so retrato na biktima ya labus lakseb ed mismon abong na saray sanasawan suspek, legan ya mantatapewan iran dua ed arapan na asawa na sayan maestro.
Asukayan labat yan gagawen na sanasawa nen mismon immamin so biktiman menor de edad ya say kekerewenton kuarta et iiter to ed si Brillantes, sengegan ya impansuplong da ed NBI tan tampol met ya nanggawa na kurang so abitlan ahensiya,. Ginawa so eksaminasyon ed biktima tan nam-positibo ya ed rape si alyas Ana.
Maswerte met ya narel ed entrapment operation ya imbansag ed ingkerew nen Brillantes ed nakekeran liman libo (5,000) ya pesos ta pian aga kono ipanengneng ed publiko so nude photos na biktima diad panamegley na internet.
Unong ni ed si Jaymalin, segepan na kason Robbery Extortion. Tan Multiple Counts of Rape so saray suspek tan akagetar ya ipasilong ed inquest proceedings so bii legan ya at large odino aanapen da so asawa ton maestro.
