DAGUPAN CITY- Inkiwala na utang diad loob na Pangasinan Provincial jail diad baley na Lingayen, Pangasinan so ibabagan makasengeg na intakas na duwaran preso diman.
No nanonotan tinmakas so duwaran inmates ya sikara di Dennis De Villa alyas Bisaya tan Denver Viray alyas ‘piso’ kabansag na schedule da na panbantak na basura nen Agosto 11 bangbalet sikara lamlamang so narel.
Onong ed kinen Provincial Jail warden Ferdinan ‘Bong’ Natividad, diad inpantetepet ed saray suspek, say rason da kanyan tinmakas ira makalanor walay utang dad tindaan diad loob na kolongan.
--Ads--
Akabatan ya si Viray so walaan na utang ya masolok P2,000 legan ya masolok na P4,000 so bayes nen De Villa.
