DAGUPAN CITY-
Natagpuan na lamang na wala nang buhay ang isang lalaki sa canal road sa Brgy. Mancup, sa bayan ng Calasiao.
Ayon kay PLt. Col. Ferdinand S. Lopez, Chief of Police, Calasiao PNP, ang nasabing biktima ay kanilang napag-alaman na madalas itong nakikitang nanlilimos at natutulog sa isang bakanteng lote sa nasabing lugar.
--Ads--
Dinala naman ito sa isang ospital ngunit idineklara ding dead on arrival. Lumabas naman sa isinagawang imbestigasyon na wala itong nakitang bakas ng foul play at tanging maliit na galos lamang sa kaliwang siko at sa mga tuhod nito.
Samantala, kinaumagahan matapos itong matagpuan ay mayroon umanong magkapatid na pumunta sa kanilang himpilan at sinasabing ama nila ang nasabing bangkay ng lalaki.
