DAGUPAN CITY– Kinumpirma na Bureau of Fisheries and Aquatic Resources- National Integrated Fisheries Technology Development Center (BFAR-NIFTDC), ya apektado so lakuan na saray processed Bangus products lapud kakulangan na Bangus did ciudad na Dagupan.
Saya so impalapag did ekslusibon impituyaw na Bombo Radyo Dagupan ed kinen Dr. Westly Rosario, director na BFAR-NIFTDC,kayari na aranasan ya kakulangan na suplay tan inbili na presyo tonya did merkado.
Impaliwawa nen Dr. Rosario, ya siguradon apektado iray boneless bangus, tan arum nin processed products lapud agga nayarin unleksab untagey so presyo tonya diad distribution.
Kaleganan tonya,kinumpirma met na opisyal ya naapektuan met na TRAIN Law iray bangus growers lapud epekto to iya diad presyo na gas ya uusaren ed transportasyon untan met say posiblen presyo na feeds.
