DAGUPAN CITY– Inatey so sakey ya lakin sangkot ed illegal ya droga tan wala ed BADAC Watchlist ed lugar da kasumpalan pinapaltog na pigaran armadon lalaki diad loob mismo na abong to diad Bocaue, Bulacan.
Kinabat so biktima ya si Leonardo Moya alyas ‘Totong’, ‘Ong’, ‘Bungo’ tan Elorde’, 53 anyos tan residente na Saint Martha Homes, Brgy. Batia ed abitlan baley.
Onong ed nalan impormasyon na Bombo Radyo Dagupan, malet so ogip na biktima diad loob na abong da nen biglan sinmabi so pigaran lalaki ya tampol ya linmoob diad kuwarto to tan pinapaltog ya sengegan na impatey to.
--Ads--
Tampol met ya tinmakas iray suspek.
Akabatan ya kaibay biktima diad BADAC Watchlist tan patuloy ya manlalako na iligal ya shabu diad lugar da.
