DAGUPAN CITY– Inatey so sakey ya laki kasumpalan ya pinaltog na mismon bayaw to diad baley na Asingan, Pangasinan.
Kinabat so biktima ya si Ferdinand Nugal, 40-anyos, residente na Barangay Bantog diad abitlan baley legan ya say suspek so kinabat ya si Rodolfo Vibora Jr., 38-anyos, residente met ed abitlan lugar.
Onong ed PNP, legan ya maniinuman iray duwara awalaan ira na pansisiblangan lapud datin kolkolan.
Inmalis so suspek tan nen umpawil saya so wala lay awit ton kalibre trentay otson paltog.
Bigla labat ton pinaltog so bayaw to ya nala ed kawigin takeb tan tinmalos ed laman to.
Inawit diad ospital so biktima bangbalet indeklaran dead on arrival na saray doktor.
Kaleganan tonya, tampol ya narel na saray pupulis so suspek tan akagetar ya isegepan na kaso.
