DAGUPAN CITY-Patuloy so itatagey na kaso na measles o tigdas diad rehiyon uno onong ed latest monitoring na Department of Health (DOH) Region I.
Onong ed kinen John Lee Gacusan, Program Manager na National Immunization Program na DOH Region I, onong ed datus da,manlapud inggapo na taon anggad February 12, 2019 wala lay 243 ya kaso na tigdas, mas baleg so bilang ed 63 ya nikurit ed kaparehon panahon nen imbeneg ya taon.
Manunaan so luyag na Pangasinan ya walay sangkarakelan ya kaso ya akapangikurit na 202 cases, legan ya say La Union so walaan na 20 cases, say Ilocos Sur walaan na 14 ya kaso tan pituran kaso so naikurit ed Ilocos Norte.
Kaleganan tonya, walora la so inatey lapud papanisiaan ya tigdas diad Pangasinan ya mas atagey no ikumpara ed anemira ya nikurit diad parehon panaon nen 2018.
Maslak ya biktima na sayan sakit et ogogaw ya manedad limara manpaabeba tan 80 porsyento ed saraya so agga abakunaan na kontra tigdas.
Diad sayan kaplesan wala lad watchlist so rehiyon tan aka hightened alert met la.
