Isang sanggol na babae naman ang natagpuang wala nang buhay sa dalampasigan ng Lingayen beach.
Ayon kay PCpl. Cristopher Rey Mariano, Duty Investigator ng Lingayen PNP, ang bangkay ay natagpuan sa isang paper bag ng isang kawani ng Pangasinan Capitol habang sila ay nagpapatrolya sa bahagi ng naturang dagat pasado alas-sais ng umaga.
Hinihinalang ang sanggol ay kakapanganak lamang sa mismong lugar lalo na at nakakabit pa ang umbilical cord nito na hinihinalang nasa 7-8 buwan pa lamang ito.
Naiwan naman sa lugar ang jacket ng posibleng ina ng biktima.
Sa ngayon ay pinabasbasan na ang naturang bangkay sa isang simbahan sa nabanggit na bayan at nadala na rin sa punerarya.
Iniimbestigahan na rin ng PNP ang posibleng pagkakakilanlan ng nang-iwan sa naturang sanggol.
