Mga Ka-bombo! Sabi nila, love find its way back to thy loved ones.
Sabi din ng iba, hahamakin ng pag-ibig ang lahat makuha lamang ang kagustuhan.
Angkop ang mga katagang ito sa isang pusa at tupa sa isang zoo sa Ukraine, matapos tanghalin bilang couple of the year.
Pinili kasi ang pusa na si Masazhik at tupa na si Bagel bilang pinakapopular na magka-partner ng taon, tinalo ang mga pares ng iba pang hayop tulad ng lemur, tigre, at mga porcupine.
Ang nasabing pusa ay madalas makita na nakasakay sa likod ni Bagel, kung saan makikita na very sweet at affectionate ang dalawa.
Dahil sa kanilang ipinakitang naka-aantig pusong kilos, pabor ang lahat sa nasabing pagkatanghal ng dalawa.
Taun-taon ay isinasagawa ang “Couple of the Year” sa nasabing zoo upang ipakita ang pagpapahalaga sa mga hayop.
