DAGUPAN CITY- Inaresto ang isang 21-anyos na lalaki sa bayan ng San Fabian matapos nitong nakawin ang cellphone ng sariling pinsan.
Ayon kay PLtCol Danilo Perez, Chief of Police ng San Fabian PNP, residente ng Aramal, sa naturang bayan ang dalawang magpinsan kung saan din naganap ang insidente.
Sa kanilang imbestigasyon, agad ibinenta ng suspek ang cellphone ng biktima matapos nitong nakawin.
--Ads--
Agad naman naghain ng reklamo ang biktima sa pulisya laban sa suspek.
Bilang bahagi ng proseso, isinailalim ang suspek sa pagsusuri gamit ang PNP enhanced e-warrant at ang national police clearance system.
Samantala, nasa kustodiya na ng kapulisan ang suspek at nahaharap sa kasong pagnanakaw. Ito ay may rekomendang pyansa na P12,000.
