DAGUPAN CITY- Nalmuan ya inatey so sakey ya inmate kasumpalan ya nanbikkel iyad loob na banyo diad Bureau of Jail Management and Penology o BJMP San Carlos.
Kinabat so inmate ya si Hermes Cecilio Castillo, 36 anyos, walay kason carnapping tan droga, residente ed baley na Lingayen.
Onong wd kinen Jail officer 3 Fernando Loresco na BJMP San Carlos, bandad ala-4 karuman na palbangon, anengneng na saray inmate ya manbanyo lawari so bangkay tonya diad loob na banyo ya abikkel na inpansusuldungan ya tela.
Tampol iran anawag na saray jail officers tan imbatik diad Pangasinan Provincial Hospital ed barangay Bolingit, San Carlos City bangbalet indeklaran Dead on Arrival na attending physician.
Akabatan ya walay problema na inmate ed asawa tonya. Anggapo ni sakey taon ya akakulong iya diad BJMP.
Say bangkay to so insempet lad abong da diad barangay Burgos diad baley na Lingayen.
